شوية نحچي عن الخصوصية سيبرانية...

تعرف لما اي دولة بالعالم (حكومة) تطلب من اي شركة محلي او غلوبال بيانات عن الـمستخدم اكو 3 شغلات أساسية تخلي الشركة او المنصة هاي تتعامل ويه الموضوع بشكل تقني وتشاركة ويه الحكومة ؟ وهن:

1. جهة الاتصال للمستخدم سواء رقم الهاتف او البريد الالكتروني.
   
2. عنوان الايبي و اللوكيشن المستخدم (Fingerprint / user-agent / logs)
3. بيانات الـKYC الموثقة الخدمة من خلالها (هوية / صورة / مستمسكات قانونية و عنوان رسمي)

بس اكو شغلة لازم تعرفها هالثلث امور أمامك بيها شروط ضرورية للتعامل مع الشخص, يعني اذا شركة دولية ومرموقة مارح تشارك هالبيانات بسهولة ابداً دون التحقق بنفسها او ايجاد طرف ثالث بمعالجة هالبيانات او القضية.. كمثال عندك منصةTelegramماتعطي اي بيانات لطرف ثالث باستثناء الارهابيين ومو بسهولة تعطي البيانات كمثال من فترة صارت ضجة لان تيليجرام شاركة بيانات ارهابيين مع الفدرالية الالمانية لكن تيليكَرام اعلنت عن الموضوع بشفافية ان البيانات المشاركة وسببها بالتفصيل... خليها بالك اكو شغلة مهمة البيانات مالتك اذا كانت تابعة بشكل قانوني لدولة ثانية مارح تشارك هالشركات بيانات مع الدولة او الجهة اللي طالبتها... كمثال انت عراقي كل معلوماتك السيبرانية كانت مو عراقية هناك مارح تشارك هالشركات اي معلومات دون بلاغ رسمي بالدولة المعنية...

كمثال أنت مسجل بمنصة تعطيك خدمة بالعراق بـ رقم عراقي, بـايبيعراقي, بـ عنوان عراقي, و موثق حسابك بـ جواز او جنسية عراقية... انت هنا في حال صارت مشاكل قانونية او جهة أتبلتك او رادو يجيبوك فـ هاي الجهة مجرد أن طلبت من الـشركة المسجل بيها انت بيانات عنك بصفة حكومية رح تتعامل شركة المعنية حسب القوانين العراقية

بالمناسبة بعد ماشافت شركات كثيرة مثل فيسبوك وخصوصاً بعد مظاهرات 2019 بالعراق ان البريد الحكومي العراقي .gov.iq صاير فيطي بيد حسوني ابن السيد من 2018 كَاموا ميحترموهم بسبب سوء استخدام الخدمة من قبل الميليشيات بالحكومة والاهم مع استمرار هيچ حالات بـ2020 فيسبوك بدوا يطلقون تقرير سنوي عن طلبات الحكومات لبيانات مستخدمين وموافقتهم أو رفضهم له... نعم ممكن جداً الشركات ترفض مشاركة البيانات مع الدول للاسباب الكتلك عليا فوكَ تكون محمية او مختلفة عن دول تقديم

طيب لنفرض ان الوضع بعده فيطي وأنت تريد تحمي نفسك قانونياً ونفسياً بنسبة 99% شنو تسوي ؟
السايبر ينطيك امتياز واحد فقط, أنك تكَدر بطريقة او بأخرى تبدل جنسيتك العراقية بالسايبر !!
قبل لا اكلك عليهن تذكر ان اكو دولتين تحترم الخصوصية مع الشركات التجارية هنه: كندا / أوربا
رح تكَول واميركا ؟ للاسف اميركا ماتحترم خصوصيتك لكن بنفس الوقت انت اميركا تفيدك, باختصار اي بلد غير دولة عربية يفيدك ان تاخذ هويته سايبرية.. لآن انت هدفك ماتخلي اي جهة تعبر بيها عن رأييك (بالعراق كمثال) ما توصل او يصيير الها حق تاخذ بياناتك او تتهمك انك عميل او عدو البلد الخ..

✅ من ايجابيات انك تبدل هويتك السيبرانية:-
- نتائج البحث رح تتبدل نهائياً لشيء يحترمك, وداعاً اقتراحات حوحو للمعلوميات.
-- شبكة الاصدقاء والاقتراحات رح تكون مختلفة تماماً. وداعاً لاقتراح حمودي المدريدي و سارة احمد
- خصوصية وحرية تعبير عن الرأي براحة تامة.. وداعاً للخوف من التعليق حتى لا يزينون شعرك او تخاف تحط Haha ع صورة السيد

❌ سلبيات تغيير هويتك السيبرانية:-
- رح تكلفك فلوس $$$
- رح تخسر جزء من سرعة اتصالك وممكن تتعذب في حال كان بطيء
- ممكن لو غلطة مرة بالاعدادات يتم كشف موقعك الاصلي.

هسه نجي عالساسات والخدمات:
◄ حل مشكلة رقم الهاتف في حال تريد اميركا او كندا فـ Hushed هو الحل رقم المدى الحياة يصير الك بـ25$ (الوكيل العربي يبيعه بـ21$ بالايفنتات) لكن تكَدر تشتري هسه من ابسومو بـ25$: https://appsumo.cc/hushed
◄ حل مشكلة الـIP:
- الخيار الرخيص للطبقة الكادحة: تشتري VPN Unlimited بـ20$ مدى الحياة من الوكيل العربي. (حضر نفسك تخسر سرعة اتصالك)
- الخيار الافضل والامثل: تشتري Residential IP من WebShare بـ64$ بالسنة من هنا: https://deals.iraki.net/p/NJBa/r
◄ حل مشكلة الـKYC:
- الطريقة الرسمية: تسجل من خلال جوازك وتتظاهر انك مهاجر جديد 60% من خدمات رح تقبلك
- الطريقة الوصخة1 (شبه رسمية): اكو ساسات بلاك هات تنطيك "بمساعدة الـAI" امكانية انك تحصل على مستمسك لاي دولة بالعالم كصورة متصورة بشكل حقيقي بمبلغ مايتجاوز 8$ عالصورة وحدة (تستخدم هالصورة لتوثيق خدمات اونلاين فقط) مارح انطيك مصدر ابدا اعتمد على بحثك بنفسك وتذكر اي سوال او عقبة رح يجي ببالك تلكَاه بالشرح مال ساس يبيعلك ياها, تذكر أسمك وجنسك وشكلك وصورتك كلها نفسها فقط اللي حيتغير هو مستمسك دولة تريدها (كمثال تكَدر تطلعلك أقامة سياحية للدولة فلانية + جوازك رسمية = تحل شغلتك سيبرانية باقل الخطورة والمشاكل).
- الطريقة الوصخة2: ايضاً بلاك هات تشتري Identity كاملة مقرصنة ومعدة مسبقاً وتكون سعرها غالي شوية عليك كمثال 30-35$ للخدمة انت تريدها والبروفايدر يوثقلك الموضوع بالكامل دون اي خبرة منك, ايضاً هالشيء ملنا دخل بيه لان دنحجي بدون مصادر لكن الروس هم اكثر من يبيعون هالخدمات.

بالمجمل رح يصير عندك Identity كامل للبلد انت تريدة بكلفة سنوية 100$ كحد اقصى واحتمال بسيط تحتاج راوتر مرتب يدعم الbuilt in vpn في حال جنت تريد بيتك كل اجهزته تتحول للبلد مقصود.. زين اذا تسالني منو تنصح بيه هالموضوع ؟
- الاعلاميين والصحفيين الموجودين بالعراق و المهددين بالقتل
- اللي يريد يهاجر ويحسن من امكانيته بالحصول على "حظ" سيبراني مثل الناس اللي بلبلد هو بيه (تذكر حتى نتائج بحث كوكل مال اميركا مو نفس نتائج بحث العراق ابداااااً)
- هواة الخصوصية والحماية اللي يحبون يحصلون على حريتهم بالانترنت.

سؤال اخير, هل هالمواضيع فوك تعتبر Militry Grade ? لا تماماً اذا هدفك تسوي بلاك هات يجيبوك ب دقايق هالموضوع فقط حتى تحصل بيه على احترام سيبراني حالك حال مواطن بلد وتحمي نفسك من دول متخلفة لازم ايميلاتها حكومية حسوني الملازم المدريدي. أحذر من عمل امور غير رسمية بهالموضوع واستخدمها بشكل صحيح حتى تحسن وضعك وتهج من هالزريبة انت بيها.

ملاحظة: بعض الروابط الفوكَ والاقتراحات النا بيها ربح $$$ 5-10% لذلك تكَدر تعتبره بوست مدفوع سلم بلم بدون متكَول شكراً.