شلون تحصل رقم موبايل مدى الحياة ؟

واتساب, تيليجرام, فايبر, كَوكَل كلهن حسابات مهمة بالنسبة الك بس بنفس الوقت مربوطات على رقمك اللي الكوكب كله يعرف ان هذا رقمك ومن الطبيعي أحمد الغالب وحمودي السيد يجون يهكرون حسابك بكل سهولة باستخدام هندستهم السكسية العكسية,😒 زين شنو الحل اللي رح ينهي هالمعانات لمدى الحياة ؟

الحل ياعزيزي اكو شركة اميركية اسمها Hushed هاي الشركة تبيعلك ارقام يصيحولها VOIP هذه الارقام سمكارتات مربوطة يم شركة عالكلاود ومن خلالها تكَدر تتحكم بهذه السمكارت ترسل وتستلم بيه رسائل او مكالمات..

لكن استخدامك اله مارح يكون هيج بل رح تستخدمه حتى تستلم بيه رسائل تفعيل خدمات الانت تريد تأمن شخصيتك بيها مثل تواصل اجتماعي وغيرها.. الارقام هاية تجي مسجلة باسم شركة واللعبة هنا وين ؟ أنك رح تشتري كوبون تخفيض سعره 25$ من Appsumo يسمح لك بشراء رقم هاتف من داخل التطبيق انت تختاره مجانا ولمدى الحياة واللعبة هنا ان رقم هذه يجي بيه رصيد يتجدد كل سنة.. يعني رح تضمن شغلة رقم التلفون تبقى عندك مشكلتين

الاولى لازم تختار رقم كلين يعني رقم مامستخدم قبل لآن اذا مستخدمه شخص قبلك ومبلكه من واتساب مارح تكدر تسجل بلواتساب وهكذا.. لكن تذكر دائماً باستخدامك للرقم الـVOIP بالوتساب لما تسجل اختار خيار التوثيق من خلال الاتصال وليس الـSMS

ونفس شي لبقية خدمات!! هسه فهمت انت لازم شتسوي ؟ لما تشتري بطاقة وتعبيها قبل لا تختار الرقم وتشتري مباشرتاً روح قبلها اكتبه بلواتساب او بلخدمة تريدها وشوفة شيكَولك هل الرقم مبلك ؟ لو لا !! اذا مبلك هنا انت لعبتها صح لانك ماثبتت رقم واشتريته مجرد حاولت تسجل باسمه ف عوفة رقم لا تشتري ابحث عن غيره يكون نظيف وعندك خيارات كثير بالالاف من الارقام.

المشكلة الثانية والاهم!! الرقم هذا اساساً احنا مشتري ومختاري حتى محد يعرف حساباتك بيا رقم رابطهن وبهلحالة رح تأمن ناحية الخصوصية وبرقمك الحقيقي او العام ماتربط بيه اي خدمة بحيث اللي يقرر يستهدفك ميلكَه شيء ولا ممكن احد يتوقع عراقي او عربي يستخدم رقم اميركي والعكس صحيح..

حالياً  تكَدر تشتري بطاقة من خلال Appsumo بـ22.5$ لمدى الحياة..

Hushed Lifetime Phone Number - Make private calls | AppSumo

Protect your privacy! Call and text anonymously with your own Hushed phone number

Appsumo

تذكر شغلة وحدة فقط... الرصيد اللي يجي ويه عرض المدى الحياة اذا تشتري رقم اميركي حتكدر تستخدم رصيد اتصال للارقام اميركية فقط وليس دولي ونفس شي للرقم الكندي ونفس شي للبريطاني اذا حصلته, وخليها ببالك اذا تريد تتصل دولي وتستخدمه بالاتصال بالعراق كمثال لازم تشتري باقات بفلوس وتكون غالية مقارنة بالمحلي يعني نفس دوخة شركات اتصال ف لا تعتبره بديل للسمكارت حتى تتصل بيه باهلك بالعراق او هيچ شي هذا تستخدمة للاتصال بالارقام الاميركية وسوالف السوشل ميديا واستقبال الارقام فقط باختصار يصيحوله رقم ثاني فرچوال.

هاهيه ؟ لا طبعاً حتى اخليك على علم اكو خيارات ثانية بس مو لمدى الحياة مثل العرض مال Hushed اعلاه... عندك تطبيقين مميزات ومشهورات

1. عندك تطبيق ثاني يبيع مو مدى الحياة وانما بشكل سنوي بـ12$ اسمه Dingtone
2. وعندك تطبيق ثالث ينطي ارقام مجانية اسمه TextNow بس نحس وارقامه كلهن مبلكه وهواية يقط يجبرك تدفع بريميوم حتى تحفظ رقم وميتبدل ياخذ 5$ بالشهر وحذف اعلانات 8$ بالشهر.

شغلة اخيرة تعرف احنا بالوكيل العربي نشتري رقم مميز سواء من Hushed or Dingtone من ثم نسجل بيه Viber Out اكو خطة دولية بـ5$ بالشهر على فايبر تسمحلك تتصل بكل اوربا واميركا بلا حدود بس بـ5$ بالشهر وتكَدر تربط رقمك الاميركي المميز بلفايبر وبهلحالة رح تكَدر تتصل بالناس ويطلع رقمك مميز + اتصال رخيص باستثناء الدول العربية اتصال بيها غالي للدقائق.