كيفية أستغلال العنصر الانثوي لجذب العنصر الذكري عبر الفيسبوك وخلق بيئة مطلوبة ؟
على نفس خطى فكرة انك تجيب بنية حلوة بالشركة بهدف جلب الزبائن او خلق بيئة عمل مطلوبة من الذكور بالانترنت تكَدر تسوي نفس الشيء... فديوم اثار اعجابي صفحة لبنانية الكميونتي البيها كان كلش مميز ولطيف وتفاعل قوي... حتى من دخلت لكَروبهم السري الكميونتي جان على مستوى عالي من السيكَما, ماتشوف الامور الرسمية واللواكَات ماتشوف بنات يستعرضن بالشرفيات وحركات تعبانة, تشوف البشر على طبيعته وبله سوالف التفياك مال اغلب التجمعات العامة بل احيانا تشك انهم على قدر عالي من البؤس او التنمر حتى على نفسهم وهالشيء يعجبني 😂... واللي صدمني اكثر هو ان الادمن اساسا ميعرفهم بشكل شخصي هالموضوع مفيد جدا للغرباء مثلي, لانه حيكون مجتمع سهل انك تكون جزء منه, لان كل الموجودين ميعرفون بعض غير ان الميم والنقاشات تجمعهم, رغم ان ماطول التجمع وانغلق لان اكثر الامور الناجحة بسبب ادارتها بنفس الوقت ميكون عدهم وقت يضيعوه بحياتهم بادارة التجمعات لكن الشخص اللي سواه عجبني شون ديستغل ضعف المجتمع بنقطة رح اذكرها اليوم بموضوعنا...
هو كان عنده صفحة فيسبوك, تعرفون بصفحات الفيسبوك اذا البيج يسوي لايك او ريبلي لكومنت هذا الكومنت رح يرتفع بالبداية ويصير بالتوب... ف هذا النغل جان دائما يسوي حركة اني جنت اسويها بالبيجات الجبيرة 🦈 وهي انه يخلي لايك للكومنت ف يرتفع الكومنت للتوب يجون يتفاعلون وياه الفانز ثم يشيل اللايك مالته بهالحالة رح يصير التوب كومنت كانه الكميونتي هو اللي صعدة لكن بالحقيقة انت اللي مصعدة بنفسك من خلال اللايك ثم سحبه...
هو كان يسوي نفس الشيء لتعليقات البنات يشوف حسابات البنات اللي يعلقون وخالات صورهن وحلوات, اي كان رأييهن مهما كان تافه (غالباً) ف يسويلة لايك بهدف رفعه, ببساطة تجي انت الذكر او الانثى حتى لما تشوف كثير بنات وخصوصا اللبنانيات والسوريات ظاهرات بروفايلاتهن بالتعليقات يجيلك شعور بالاهتمام بهذا المكان والتفاعل بيه لان اول شي يجي بالك من نكول كلمة (فانز) رح تتخيل ان هذني التوب كومنتس اللي شفتهن همه اللي يجون على بالك وبس ف لما يكون اول من يجون على بالك همه ناس انت مستلطفهم من اول نظرة او خلي نكول "مخيل عليهم او منجذب عليهم" رح تتفاعل اكثر ويصير الك "دودة" تبرز نفسك بهذا الكميونتي على امل احد هذه القطط تنتبه لك, هذا بصريح العبارة نقطة ضعف بيك وبالمجمتع.
هنا النغل استمر بهالمنوال الى ان سواله كميونتي مرتب وعالي الجودة بنفس الطريقة اللي رفع بيها البنات راح رفع تعليقات الشباب المرتبين اللي يحجون تعليقات قوية ومفيدة او مشاكل شايفيها بالمجتمع من خلال تجاربهم (غالباً) بهالحالة رح يصير عندك بالنهاية مبتغاك اللي هو اما التفاعل او ايجاد فرصة ان يمرون باليوم عليك الاف الحسابات اللي انت تكدر تلكَط بيها البروفايلات المفيدة والكوالتي العالي بيها اللي تخليهم يبرزون الى ان يهتمون بالكمونتي مالتك.
اتذكرت هالحادثة اليوم لما شفت اكو بوت قيد التطوير رح انشرلكم الساس من يكمل فكرته يسحب الداتا مال فانز البيج مالتك من ثم يخليك تسوي رول حسب جنس الحساب, كمثال تكَدر تخلي يسوي لايكات تلقائية لكل الحسابات اللي مسوين نفسهم بالفيس (انثى) في سبيل تبين كل تعليقات البيج ك اناث بهالحالة رح يجتمعون حواليهن القطيع ويصير عندك مبتغاك وهو التفاعل, اما هي البنت ف مارح تحس بشيء لان هي الريدي الخاص مالتها شغال 24/7 من كل مكان مارح تعرف منين جويلها الجماعة...
اني سابقاً بالبيجات كنت بالصفحات الجبيرة استغل هالفيچر ب الترويج للتعليقات اللي يكون بيها راي قوي يستحق التفاعل, كان اكو كثير ناس يفرحون انهم حصلوا تفاعل معتقدين ان كلامهم هو المميز, او الاله طششه... لكن الحقيقة هي الادمن فقط هو اللي بيده يخلي هالشخص ياخذ حقه ويطش او يسويله Hide comment ويحط رأيه وتعبه بـ🍑.. للاسف اني چنت استخدم الطريقتين لهذا فيسبوك بالنهاية سوة خانة تظهر للكل التعليقات المخفية بالبوست. (Show All Hidden Comments) بخلاف ذلك البيجات اللي مابيها هيج ادمنية يتابعون بوست بوست ف تلكه الكميونتي يطشش التعليقات التافهة فقط مال اعرف مين زار بروفايلك او مدري شنو او حكمة جندي الماني او قران بصوتي الخ...
ايضاً بالبيج مال فيسبوك مال عراكي.نت من اسوي بيه تجارب عليكم واستطلاعات, لما اشوف احد ينطي رأي احس انه رح يكون خطر عليه او يجيبله رد فعل من جهة معاكسة اني اعرفها ويانة بالفانز, اصلخه بكل احترام بـ Hide Comment بحيث بس هو واني واصدقائه يشوفوه هنا هدفي اني احمي وخصوصا الاناث ما اعرضهن لمضايقات خصوصا ان المجتمع التقني الاناث وبنفس الوقت اخلي يحس انه عبر عن رأييه, واكيد ميصير تكَولون للشخص هالشيء لان اما يعتبرك عدوه تضيع تعبه وتسكت حريته او عباله انك مهتم بيه خصوصا الاناث سوالف الحبچيات مال يحبني ويغار عليه الخ...
لهذا چنت اكَلكَم دائما التيليكَرام افضل منصة من كل النواحي, اهمها تكَدر تعبر بيها شتريد بدون ماينخاف عليك بلحظة تبدل اسمك, والاهم الريتش مالتك رح يكون 100% الك, ف اذا بعمرك وحياتك صار عندك جمهور وماحولته عالتلكرام بشكل احتياطي ف انت بالحقيقة ماتملك الوصول لهذا الجمهور ابدا... وهالامور كلها الادمنية يسووها بهدف السيطرة على الكميونتي ومنع حدوث المشاكل, حتى بالمجتمعات منها التركية
حتى بالحياة الشخصية اني سابقاً كان عبالي النظام الهمه بيه والنظافة اللي تختلف عن وصخ العراق عبالي المجتمع هو الاول مساهم بيها, لكن ياعزيزي طلع القانون, هو اللي يخلي المجتمع يجر عدل, ابسطها اني فديوم يم محل داشتري مفتح جديد ميعرف ان اكو قوانين لكل شيء ورة فترة كتله ليش الجياسة القوية الجنت اخذها منك قبل ماتجيب منها بعد ؟ (ببساطة كَال عمال البلدية اجويلي واطونة غرامة, ميصير نستخدم اكياس سوداء بالمحال مال بقالة واعطونا هالاكياس) حتى لون الكيس مفكرين بيه لكل شيء يصير بالكميونتي والمدينة الانت بيها اكو سبب وراه والسايبر مايختلف كثير
ف لما تفهم هالفكرة رح تؤمن ان القدر انت تكَدر تصنعه بنفسك او بمساعدة الكميونتي او المتحكمين بيه اما سوالف الدعاء بفتح النصيب هاي تكتبها بورقة وتلفها وتحطها بنفس الزرف الخليت بيه الشهادة الاكاديمية😉.
seo.call-to-action.title
seo.call-to-action.money-back
seo.call-to-action.message
